うちなあぐち日記

うちなあぐちえ 聴ち美らさ 語い美らさ 書ち美らさ

2011年03月

 昨日(ちぬう)ぬ東北地方太平洋沖地震や、いっぺえ、うすまさるむぬやいびいん。
 あんすかなあでぃん強(ちゅう)さる地震(ねえ)とぅ津波(しがりなみ)え、観測史上最(むっとぅ)ん、まぎさるむんやんでぃぬ事(くとぅ)やいびいん。
 失(う)らんなとおる人(ちゅ)んちゃあんまんどおぃ、被害ん、でえじな、まぎさいぎさいびいん。
 犠牲者なたる人(ちゅ)んちゃあんかい御冥福祈(ぐみいふくいぬ)やびら。
 また負傷(ぎが)そおる人んちゃあが、早(ふぇえ)く、治(のお)てぃ、ゆる如(ぐとぅ)祈やびら。
 あんしまた、一日ん早く、元(むとぅ)ぬ暮らしんかい戻(むどぅ)ゆる事ぬ成ゆる如、祈やびら。

【語句】
昨日ぬ東北地方太平洋沖地震や=昨日の東北太平洋沖地震は。
いっぺえ、うすまさるむぬやいびいん=大変、恐ろしいものでした。非丁寧文は「~やたん」。
あんすかなあでぃん=これほどまでに。
強さる地震とぅ津波え=強い地震と津波は。
観測史上、最ん=観測史上最も。
まぎさるむんやんでぃぬ事やいびいん=大きなものだということです。非丁寧文は「~やん」。
失らんなとおる人んちゃあんまんどおぃ=お亡くなりになられた方々も多いし。
被害ん、でえじな、まぎさいぎさいびいん=被害も、とても、大きいようです。非丁寧文は「~ぎさん」。
犠牲者なたる人んちゃあんかい=犠牲になられた方々に。
御冥福祈やびら=御冥福をお祈り申し上げます。
また負傷そおる人んちゃあが=また負傷された方々の。
早く、治てぃ、ゆる如祈やびら=早く回復されることをお祈りいたします。非丁寧文は「祈ら」。
あんしまた=そしてまた。
一日ん早く=一日も早く。
元ぬ暮らしんかい戻ゆる事ぬ=元の生活に戻れる事が。
成ゆる如、祈やびら=できますように、お祈りいたします。非丁寧文は「~祈ら」。
 

イメージ 1

 一昨日(うってぃい)ぬ2月(にんぐぁち)27日、あが遠(とぅう)、東京迄(までぃ)行(ん)じゃあに、「テンペスト」(原作 池上永一、主演 仲間由紀恵)見(ん)ち来(ち)ゃあびたん。劇場やTBSぬあぬ赤坂サカスっす所(とぅくる)んかいあぬ赤坂ACTシアター。

 んちゅなてぃぬ秋頃(あちぐる)、我(わあ)が原作読(ぎんさくゆ)どおたる事(くとぅ)知っちょおたる家組(やあぐな)ぬ、「見ち来(く)うよお」し、あぎまあすたくとぅる行じ来ゃあびたる。
 原作ん、でえじな面白(うむさ)さいびいたしが、劇(芝居)や、小説(しょうしち)ぬ表現方法(ひょうぎんほうほう)とお違やびいくとぅ、うりん又、ゐいりきさいびいたん。芝居や映像とぅ組(ぐう)なさってぃ、今ぬ芝居ぬ演出技術お、あんすか、上勝(ゐいまさ)いそおるむぬやがやあんでぃち、とぅんもおやびたん。
 
 世(ゆう)や幕末ぬ19世紀、登場人物や、尚育王、尚泰王とぅうぬ子(くぁ)、うりにペリー提督くうとお、諸(むる)、架空ぬ人物(じんぶち)どぅやい、「テンペスト」や琉球(るうちゅう)ぬ史実(しじち)とお、でえじな違やびいくとぅ、ロマンス劇んでぃ思(うむ)てぃ見(ぬ)うしえ、ましやいびいん。

 やいやさびいしが、くぬ小説又芝居や、ただぬロマンス物(むん)や、あいびらん。
 小説ん芝居ん作家ぬ池上永一氏ぬ「叫(あ)びい欲(ぶ)しゃる事」ぬ良う、表現さっとおいびいん。 作家ぬ、中国んあらん、大和んあらん琉球が滅(ふる)ぶさってぃん、琉球人が琉球人ぬ肝心(ちむぐくる)ゆ失ゆる事んさんようい、今(なま)に生ち延びてぃ来ょおる事、思愛(うみがな)ささあに、見(ん)ちょおる肝ぬ良う表現さっとおいびいん。

 やいびいしが、小説んじ表現さっとおたる廃藩置県前ぬ首里城(うぐしく)ぬ中(なあか)ぬ役人達(やくにんちゃあ)ぬ論争問答(いいがあええ)とぅか御内原(ううちばら)ぬ女官達(ゐなぐんちゃあ)ぬゆんたくひんたくが、首里城明き渡しぬなあ明日(あちゃ)からあ、誰(たあ)ん居(をぅ)らんなやあに、昨日迄(ちぬうまでぃ)頑丈(がんじゅう)そおたる人(ちゅ)ぬ、ちゅうちゃん、けえ亡(まあ)ちょおる如(ぐとぅ)、しからあさ成とおる首里城ぬ事が、くぬ劇於(う)とおてえ、表現さってえ居いびらんたん。小説ぬ通(とぅう)い、芝居しいねえ、ふしがりやびらんくとぅ、うりえ済(し)まびいん。

 くぬ劇やなあ昨日於(ちぬう)てぃ、けえ終(う)わとおいびいしが、ドラマ化ぬくぬみぬさっとおんでぃぬ事やいびいくとぅ、沖縄人(うちなあんちゅ)ん大和人(やまとぅんちゅ)ん諸(むる)んかい見しい欲(ぶ)しゃるむぬやいびいん。  

【語句】
一昨日ぬ2月27日=一昨日の2月27日。
あが遠、東京迄行じゃあに=遠い東京まで行き。「あが遠(=あれほど遠い)」の反語は「うが近(ちちゃ)=(こんな近く)」。
「テンペスト」見ち来ゃあびたん=「テンペスト」を見てきました。非丁寧文は「~来ゃん」。「テンペスト」は「嵐」。
劇場やTBSぬあぬ=劇場はTBSのある。
赤坂サカスっす所んかいあぬ赤坂ACTシアター=赤坂サカスという所にある赤坂ACTシアター。「っす(又は「す」)」は「場所」などを指す語。例:「ハワイっす所=ハワイという所」。
んちゅなてぃぬ秋頃=一昨年の秋頃。「んちゅ」は「一昨年」。但し、「んちゅ成てぃ」は「三年経って」、「んちゅ成てぃぬ」は「三年前の」という意味の慣用語なので、深く考えず、丸暗記しましょう。
我が原作読どおたる事=私が原作を読んでいたことを。
知っちょおたる家組ぬ=知っていた家族が。「家組」は「家人数(やあにんず)」ともいう。
「見ち来うよお」し=「みてこいよ」と。
あぎまあすたくとぅる=急かして(催促して)いたから。「る」は強調を表わす助詞「どぅ」の清音。
行じ来ゃあびたる=行ってきたのです。前の強調助詞を受けて「来ゃあびいん」は連体形「来ゃあびいたる」で結ぶ。非丁寧文は「~行じ来ゃる」。
原作ん=原作も。
でえじな面白さいびいたしが=大変、面白かったですが。非丁寧文は「~面白さたしが」。
劇(芝居)や=劇(芝居)は。
小説ぬ表現方法とお違やびいくとぅ=小説ぬ表現方法とは違いますので。「くとぅ」は「~ので」、「~から」等の意味。非丁寧文は「~違ゆくとぅ」。
うりん又、ゐいりきさいびいたん=それもまた、楽しかったです。非丁寧文は「~ゐいりきさたん」。
芝居や映像とぅ組なさってぃ=芝居は映像と組み合わされていて。
今ぬ芝居ぬ演出技術お=今の芝居の演出技術は。
あんすか、上勝いそおるむぬやがやあ=それほどまでに、発展しているものなのか。
んでぃち、とぅんもおやびたん=と、驚きました。非丁寧文は「とぅんもおたん」。
世や幕末ぬ19世紀=時代は19世紀。
登場人物や=登場人物は。
尚育王、尚泰王とぅうぬ子うりにペリー提督くうとお=尚育王、尚寧王とその子及びペリー提督以外は。
諸、架空ぬ人物どぅやい=みな、架空の人物なのであり。「どぅ」は前語を強調する助詞。
「テンペスト」や琉球ぬ史実とお=「テンペスト」は琉球の史実とは。
でえじな違やびいくとぅ=随分違うので。非丁寧文は「違ゆくとぅ」。
ロマンス劇んでぃ思てぃ見うしえ=ロマンス劇だと思って見る事が。
ましやいびいん=良いでしょう。「まし」は「良い」の意味。日本語の「まし」とも共通する。
やいやさびいしが=であることはでありますが。
くぬ小説又芝居や=この小説芝居は。
ただぬロマンス物や、あいびらん=ただのロマンスものではありません。非丁寧文は「~あらん」。
小説ん芝居ん=小説も芝居も。
作家ぬ池上永一氏ぬ=作家の池上永一氏の。
「叫びい欲しゃる事」ぬ=「叫びたいこと」が。
良う、表現さっとおいびいん=良く表現されています。
作家ぬ=作家の。
中国んあらん、大和んあらん琉球が=中国でもない日本でもない琉球が。
滅ぶさってぃん=滅ぼされても。
琉球人が琉球人ぬ肝心ゆ=琉球人が琉球人の精神(魂)を。
失ゆる事んさんようい=失うこともせずに。
今に生ち延びてぃ来ょおる事=今にいたるまで生き延びてきとことを。
思愛ささあに=いとおしく。
見ちょおる肝ぬ=眺めている心が。
良う表現さっとおいびいん=良く表われています。非丁寧文は「~さっとおん」。
やいびいしが=ですが。
小説んじ表現さっとおたる=小説で表現されていた。
廃藩置県前ぬ首里城ぬ中ぬ=廃藩置県前の首里城の中で。
役人達ぬ論争問答とぅか=役人達の言い争いや。
御内原ぬ女官達ぬゆんたくひんたくが=大奥の女官達のおしゃべり喧騒が。
首里城明き渡しぬなあ明日からあ=首里城明け渡しの翌日には。
誰ん居らんなやあに=誰もいなくなり。
昨日迄頑丈そおたる人ぬ=つい昨日まで元気でいた人が。
けえ亡ちょおる如=死んでしまったように。「けえ」は「~しまう」を表わす動詞の前に付く副詞。
しからあさ成とおる首里城ぬ事が=寂しくなってしまった首里城のことが。
くぬ劇於とおてえ=この劇では。
表現さってえ居いびらんたん=表現されていませんでした。非丁寧文は「~居らんたん」。
小説ぬ通い=小説の通り。
芝居しいねえ=演ずれば。
ふしがりやびらんくとぅ=大変ですので。非丁寧文は「ふしがらんくとぅ」。
うりえ済まびいん=そんな事は良いでしょう。非丁寧文は「~済むん」。
くぬ劇や=この劇は。
なあ昨日於てぃ=もう、昨日で。
けえ終わとおいびいしが=終わってしまいましたが。非丁寧文は「~終わとおしが」。
ドラマ化ぬくぬみぬ=ドラマ化の計画が。
さっとおんでぃぬ事やいびいくとぅ=なされているとのことですので。非丁寧文は「~事やくとぅ」。
沖縄人ん大和人ん諸んかい=沖縄人にも日本人に皆に。
見しい欲しゃるむぬやいびいん=見せたいものです。「~欲しゃん」は「~したい」の意味。

↑このページのトップヘ