今日(ちゅう)や年(とぅし)ぬ夜(ゆるう)やいびいん。
 あんし、明日(あちゃ)あ、うちなあ正月(しょうぐぁち)成とおいびいん。
 やいびいしが、うちなあ正月んでぃ言(い)ちん、なあ、旧正月すぬとぅくまあ、糸満(いとぅまん)とぅ勝連(かっちん)、与那城(ゆなぐしく)、北部、旧具志川市、那覇市小禄ぬ一部(うぬ他にんあいがすらん分かやびらんしが…)びけんどぅやいびいくとぅ、何正月(ぬうしょうぐぁち)んでぃ言れえ、済(し)まびいがやあ。
 日本(やまとぅ)お、ヨーロッパ文化追(う)うやあ追うやあさびやあい、あんしまた、うちなあや、やまとぅ文化ぬ真似(ねえび)そおいびいん。自(どぅう)なあたあ文化あ、守(まむ)らな、他所(ゆす)ぬ真似びけんし、何(ぬう)ぬが、ふぃるまさいびいらあ。
 うりえ、済まびいしが、年ぬ夜や、何(ぬう)しえ済まびいがやあ。
 旧正月くるが無(ね)えらんなとおくとぅ、今(なま)あ、何(ぬう)んさんてぃん、当たい前(めえ)やいびいん。やいびいしが、我(わあ)が小(くう)さいにい迄(まで)え、うふる米食(か)でぃ、大人(うふっちゅ)お、大概(てえげえ)酒(さき)喰(くぁ)てぃ、歩っちょおたる覚(うび)いぬあいびいん。あんし、正月んじえ、朝から、あまくまんじ、酔(ゐ)い耄(ふ)りてぃ歩っちゅる男(ゐきが)ん達(ちゃあ)ぬまんどおいびいたしがる…。
 今あ、部落(しま)ぬ中(なあか)んじ、耄(ふ)りるか酔いゆる人お見(ん)ちゃる事(くと)ん無(ね)えやびらん。
 やいびいしが、うんな事ん、昔(んかし)とぅ比(く)なびてぃ、なあ、肝(ちむ)ぬゆちみん無えらん成とおる証拠(すうく)お、あいびらんがやあ。

【語句】
今日や年ぬ夜やいびいん=今日は大晦日です。「年(とぅし)ぬ夜(ゆる)」とも言う。非丁寧文は「~やん」。
あんし、明日あ=そして、明日は。
うちなあ正月成とおいびいん=沖縄正月です。非丁寧文は「~成とおん」。「正月成とおん」、「正月なとおいびいん」は、「正月やいびいん」でもよいが、慣用的にこうした言い回しをする。
やいびいしが=ですが。
うちなあ正月んでぃ言ちん=沖縄正月とは言っても。
なあ、旧正月すぬとぅくまあ=もう、旧正月をする地域は。
糸満、勝連、与那城、北部、旧具志川市、那覇市小禄ぬ一部=糸満、勝連、与那城、北部、旧具志川市、那覇市小禄の一部。
うぬ他 にん あいがすら ん 分かやびらん しが=他にも あるかも しれません が。非丁寧文は「~分からんしが」。
びけんどぅやいびいくとぅ=だけなのですから。非丁寧文は「~やくとぅ」。
何正月んでぃ言れえ=何正月と言えば。
済まびいがやあ=良いのでしょうか。非丁寧文は「済むがやあ」。首里語は「済ぬがやあ」。
日本お=日本は。
ヨーロッパ文化追うやあ追うやあさびやあい=ヨーロッパ文化を追い求め。
あんしまた=そしてまた。
うちなあや、やまとぅ文化ぬ真似そおいびいん=沖縄は日本文化のまねをしています。非丁寧文は「~真似そおん」。
自なあたあ文化あ、守らな=自らの文化は守らず。
他所ぬ真似びけんし=他所の文化のまねだけをし。
何ぬが、ふぃるまさいびいらあ=何が珍しいのでしょうか。非丁寧文は「~ふぃるまさらあ」。「ふぃるまさん」は「めずらしい」という意味ですが、ここでは「なにが面白いのか」という皮肉も込められている。
うりえ、済まびいしが=それは良いとして。それはさておき。非丁寧文は「~済むしが」。
年ぬ夜や、何しえ済まびいがやあ=大晦日は何をすればよいのでしょうか。非丁寧文は「~済むがやあ」。
旧正月くるが無えらんなとおくとぅ=旧正月自体がなくなっているので。
今あ、何んさんてぃん=今は何もしなくても。
当たい前やいびいん=当然である。非丁寧文は「当たい前やしが」。
やいびいしが=ですが。非丁寧文は「やしが」。
我が小さいにい迄え=私が幼い頃までは。
うふる米食でぃ=大晦日の御馳走を食べ。
大人お=大人は。
大概酒喰てぃ、歩っちょおたる覚いぬあいびいん=大抵酒を喰らって過ごしていた覚えがあります。非丁寧文は「~覚いぬあん」。「歩っちゅん」には、もちろん日本語の「歩く」という意味もあるが、ここでは「過ごす」という意味である。
あんし、正月んじえ=そして、正月においては。
朝から、あまくまんじ=朝からあちらこちらで。
酔い耄りてぃ歩っちゅる男ん達ぬ=酔いつぶれてうろつく男たちが。
まんどおいびいたしがる…=多かったのですけど。非丁寧文は「まんどおたしが」。「る」は強調助詞「どぅ」の清音。濁音語(「が」等)は清音になる場合が多い。
今あ、部落ぬ中んじ=今は部落内で。
耄りるか酔いゆる人お=ばかになるほど酔う人は。
見ちゃる事ん無えやびらん=見たことがありません。非丁寧文は「~無えらん」。
やいびいしが、うんな事ん=ですが、そういう事も。
昔とぅ比なびてぃ=昔と比べ。
なあ、肝ぬゆちみん無えらん成とおる=もう、心のゆとりが無くなっている。
証拠お、あいびらんがやあ=証拠なのではないでしょうか。非丁寧文は「~あらんがやあ」。