うちなあんかいや、冬至寒さ(とぅんじいびいさ)、ムーチー寒さ、戻(むどぅ)い寒さんでぃ言るむんぬあいびいしが、近頃(ちかぐる)お、「クリスマス寒さ」んでぃぬ言葉(くとぅば)んあいびいん。
 我(わあ)が小(くう)さいにいや、新暦(しん)ぬ11月(じゅういちぐぁち)からあ、寒さたるむぬ、大人(うふっちゅ)成てぃからあ、12月(じゅうにぐぁち)成てぃん、寒さん成らな、動(んじゅ)ちいねえ、汗(あし)はいる日(ふぃい)んあいびいん。やしが、んちゃ、クリスマスまんぐるないねえ、確かに、寒(ふぃい)く成てぃ来(ち)ゃあびいくとぅる「クリスマス寒さ」んでぃゆる言葉ん生(ん)まりてぃ来ゃがやあんでぃ思(うみ)やびいん。
 
 話や変わやびいしが、イタリアぬ新聞ぬんかい、日本於(にふんう)とおてえ、クリスマスんでえ、「愛の日」んでぃ言ゃっとおんでぃぬ事(くとぅ)やいびいん。
 んちゃ、あんやら筈(はじ)やいびいん。クリスマスイブ成いねえ、若者達(わかむんちゃあ達や、何(ぬう)がふぃるまさいびいらあ、必(かんな)じ、思(うむ)やあ小(ぐぁあ)とぅ、まじゅんならんでえ、寂(さび)っさいぎさいびいん。

 やしえやいびいしが、キリスト教(ちょう)ぬ国ぬクリスマスん、違(ちが)てえ居(をぅ)いびいらんがやあ。キリストが生まれりたる日や12月25日んでぃちえ、何ぬ証明んさってえ居いびらん。かたがた、4世紀頃(ゆんしいちぐる)、キリスト教ゆローマ帝国(てぃいくく)ぬ国教とぅすぬ為(たみ)なかい、うりまでぃ、太陽崇拝やたるローマ帝国ぬ太陽復活ぬ日(冬至また冬至ぬなああっちゃ)ゆキリスト生誕(しいたん)ぬ日とぅすんでぃち決わみたるうっぴどぅやいびいる。うぬ嘘(ゆくし)が、21世紀ぬ今(なま)迄、世界(しけ)まじりぬ人なかい信じらっとおる事がるキリスト教ぬ一番ぬ奇跡(ちしち)えあいびらんがやあ。
 うわあばな話や、やしえ、やいびいしが…。

【語句】
うちなあんかいや=沖縄には。
冬至寒さ、ムーチー寒さ、戻い寒さんでぃ言るむんぬあいびいしが=冬至寒さ、ムーチー寒さ、戻い寒さというものがありますが。非丁寧文は「~あしが、」。
近頃お=最近は。
「クリスマス寒さ」んでぃぬ言葉ん=「クリスマス寒さ」という事場も。
あいびいん=あります。非丁寧文は「~あん」。
我が小さいにいや=私が幼い頃は。
新暦ぬ11月からあ=新暦の11月からは。
寒さたるむぬ=寒かったのに。
大人成てぃからあ=大人になってからは。
12月成てぃん=12月になっても。
寒さん成らな=寒くもならず。
動ちいねえ=動けば。
汗はいる日んあいびいん=汗をかく日もあります。非丁寧文は「~あん」。
やいびいしが=ですが。非丁寧文は「やしが」。
んちゃ=なるほど。
クリスマスまんぐるないねえ=クリスマスの頃になると。
確かに、寒く成てぃ来ゃあびいくとぅる=確かに、寒くなってくるからこそ。「くとぅる」の「る」は強調助詞「どぅ」の清音。「くとぅどぅ」でも良い。
「クリスマス寒さ」んでぃゆる言葉ん=「クリスマス寒さ」という言葉も。
生まりてぃ来ゃがやあ=生まれてきたのかと。
んでぃ思やびいん=思います。非丁寧文は「~思ゆん」。
話や変わやびいしが=話は変わりますが。非丁寧文は「~変わゆしが」。
イタリアぬ新聞ぬんかい=イタリアの新聞に。
日本於とおてえ=日本では。
クリスマスんでえ=クリスマスというのは。
「愛の日」んでぃ=「愛の日」だと。
言ゃっとおんでぃぬ事やいびいん=言われているとの事です。非丁寧文は「~やん」。
んちゃ、あんやら筈やいびいん=なるほど、そうかも知れません。非丁寧文は「~筈やん」。
クリスマスイブ成いねえ=クリスマスイブになれば。
若者達や=若者たちは。
何がふぃるまさいびいらあ=何がめずらしいのか。
必じ、思やあ小とぅ=決まって、恋人と。
まじゅんならんでえ=一緒でないと。
寂っさぎさいびいん=寂しいようです。非丁寧文は「~ぎさん」。
やしえやいびいしが=とは言うものの。非丁寧文は「やしえやしが」。
キリスト教ぬ国ぬクリスマスん=キリスト教の国のクリスマスも。
違てえ居いびいらんがやあ=おかしいのではないでしょうか。非丁寧文は「~居らんがやあ」。
キリストが生まれりたる日や=キリストが生まれた日は。
12月25日んでぃちえ=12月25日だとは。
何ぬ証明んさってえ居いびらん=何も証明されていません。非丁寧文は「~居らん」。
かたがた=たまたま。日本語古語と同じ。
4世紀頃、キリスト教ゆローマ帝国ぬ=4世紀頃、キリスト教をローマ帝国の。
国教とぅすぬ為なかい=国教とするために。
うりまでぃ=それまで。
太陽崇拝やたるローマ帝国ぬ=太陽崇拝だったローマ帝国の。
太陽復活ぬ日(冬至また冬至ぬなああっちゃ)ゆ=太陽復活の日(冬至またはその翌日)を。
キリスト生誕ぬ日とぅすんでぃち=キリスト生誕の日とすると。
決わみたるうっぴどぅやいびいる=決めたにすぎません。非丁寧文は「~どぅやる」。
うぬ嘘が=その嘘が・
21世紀ぬ今迄=21世紀の今迄。
世界まじりぬ人なかい=世界中の人に。
信じらっとおる事がる=信じられていることこそ。
キリスト教ぬ一番ぬ奇跡えあいびらんがやあ=キリスト教の最大の奇跡なのではなかろうか。非丁寧文は「~あらんがやあ」。
うわあばな話、やしえ、やいびいしが…=余計な話しではあるのですが…。非丁寧文は「~やしえ、やしが」。